Tradotto da All 

Stava i casa nte paraggi du ghianu i San Nicola, vicinu assai a chidda chi era a Casa Professa di Gesuiti. U baruni, capufamighia ntrigato nte fatti di cuntrati du tezzu quatteri, iera strittu ca famighia Moncada pi svariati mutivi. Pari chi nte primi dicennii du Setticentu mentru chi nfuriava a lotta tra i Spagnoli e i Savoia, savia spaggiutu a buci chi u principi di Ladderia, Cicciu Moncada (maestru razionali du Patrimoniu e vicariu generali du Regno), avia dicisu di umintari u prezzu du pani a “grana cincu o paru”, nta dda situazioni forunu assai i prutesti di paisani, chi annaru sutta a casa du baruni Concicero pi prutistari contru o pruvvidimentu du riggenti. Chistu puru picchì u stissu Cicciu Moncada stava propriu di facci a Concicero, e nta ddu mumentu stava propriu nta Casa Professa di Gesuiti.