Laddaria è un paisi picciriddu, nasciutu n'ta nà bedda vallata chi godi i nà vista eccezzionali dù strittu i Missina, e so spaddi, a fari i riparu, c'è u munti i n'tinnammari e, i facci propriu, c'è Riggiu. Nà vista c'ha allieta i quasi trimila abitanti. 

I paisi si pò diri chi su dui, Ladderia i sutta e Ladderia i supra. Venunu ghiamati puru "A Cruci" e u "Casali" e n'tò menzu passa a ciumara i Ladderia chi patti propriu i N'tinnamari.

E' un paisi sibbutu da tanti stradi. C'è l'autostrata chi si pò nesciri sia a S.Filippu chi a Trimmisteri e i dà è facili rruari a Laddaria chi è distanti non chiù assai i 15 minuti.

N'trasennu n'tò paisi subutu a piazza principali aunni ogni annu si tenunu tanti festi è c'è tanto divettimentu. A piazza a rificiru i picca e ci misuru puru i luci gialli chi dannu l'idea di passatu chi è caratteristica i stu beddu paisi chi avi tanta storia, tradizioni e posti i vidiri. Chiù p'avanti ti para a destra na bedda funtana cù l'aqua frisca chi scurri tuttu l'annu. A funtana si dici ca ficiru tra u 700 e l’800 però ommai è trasandata picchì gudiu i picca cura da patti di paisani. Si vai pì sinistra a Via montegallo ti potta, dopu a ciumara, a spettacolari Chiesa i S.Giovanni Battista e, chiù p'avanti ancora o Fotti Cavalli. Pattennu sempri da funtana si pò nnari ritti inveci di girari a sinistra, anzi, sava nn'ari ritti picchi a pochi metri dà funtana, i giaddini Moncada e poco chù supra u maestosu palazzu i l'antichi Principi di Larderia.

 A Larderia Superiore s'arriva proseguennu pà la via Comunale o S.P. 39. Un ponti ad acchi unisci, passannu supra u torrenti, i dù paisi. I vidiri a Chiesa di S.Sebastiano e l’anticu lavatoiu.

A cumpagnari a visita o beddu paisi sempri un panorama stupendu supra o strittu e supra a città i Missina.

N'agriturismu e un maneggiu ponnu inchiri a vostra iunnata con un ottimu pranzu e na passiata a cavallu n'tè munti di Peloritani.

L’eventu cch'iù impottanti a Ladderia è a conosciutissima Festa da Madonna i N'tinnammari chi si fà ogni annu e chi cumincia n'ta sirata i ionnu tri agustu e finisci ca memorabbili n'trasuta da vara intra e navati da chiesa i S.Giuvanni Battista i ionnu cinqu dopo u viaggiu chi puttau u beddu Quatru i Ladderia a n'tinnamari (aunni si trova un bellissimu Santuariu)

Un paisi, Ladderia. vivu e chinu i figghioli cù tanta valia i fari e animari tutti i paisani. A Ladderia ci sunnu tanti manifestazioni belli e fra chisti, a Sagra i Cannaluvari che si fa u sabutu e a duminica i cannaluvari. U presepe vivente o fotti cavalli  n'tò periudu i Natali. A notti ianca.

Si voi sapiri chiù assai supra o Paisi i Ladderia poi mannari nà mial o diritturi i stu situ usannu stu recapitu:  Aceasta adresa de e-mail este protejata impotriva spamului, JavaScript trebuie activat ca a putea vizualiza pagina.

tradotto da miano